Evri Hard Taem Savve Finis

Olketa hard taem savve isi tumas for discouragem iumi, especially sapos hem gohed for longfala taem. David luksavve gogo problem wea hem garem witim King Saul bae finis, and hem bae kamap king olsem Jehovah hem promisim. (Fas Samuel 16:13) Faith blo David helpem hem for patient and weit lo Jehovah.

Taem iumi kasem olketa hard taem, iumi maet need for wise, garem wei for luksavve, and garem gudfala tingting mekem iumi savve changem situation blo iumi. (Fas Samuel 21:12-14; Provebs 1:4) Bat, samfala hard taem savve gohed nomata iumi traem best for followim olketa Bible principle. Lo olketa taem olsem, iumi mas patient and weit lo Jehovah. Klosap nao hem bae finisim wei for safa and “draem evri tias” from eye blo iumi. (Re 21:4) Samfala taem, maet Jehovah nao finisim datfala hard taem or maet hem finis bikos lo eni nara reason. Nomata wanem, diswan nao iumi sure lo hem: Evri hard taem savve finis. Datwan barava comfortim iumi.

WATCHIM VIDEO NOMATA WORLD HEM DIVAED, PIPOL BLO JEHOVAH WAN MIND, AND THEN ANSAREM OLKETA KWESTIN HIA:

• Olketa wanem challenge nao samfala brata and sista lo southern United States experiencem?

• Hao nao olketa showimaot olketa patient and garem love?

• Lo wanem wei nao olketa gohed for mek sure lo “olketa samting wea barava important”?​—Php 1:10