Kontrolem Feeling blo Iu

From iumi no perfect, iumi evritaem stragol for kontrolem feeling blo iumi. Sapos iumi no kontrolem, bae Jehovah no hapi lo iumi. Example, samfala letem wei for aftarem kaikai, kaleko, and ples for stap for winim love blo olketa for God. Olketa narawan laek satisfaem nomoa feeling for duim sex and no tingim standard blo God. (Ro 1:26, 27) Olketa narawan tu savve letem peer pressure for affectim olketa bikos olketa laekem narawan for acceptim olketa.​—Eksodas 23:2.

Hao nao iumi savve kontrolem feeling blo iumi? Iumi mas evritaem traem best for tingim olketa spiritual samting. (Mt 4:4) And tu, iumi shud barava askem Jehovah for helpem iumi for kontrolem feeling blo iumi. Why nao olsem? Bikos Jehovah savve wanem nao gud for iumi and hem savve tu hao for givim olketa gud samting wea iumi laekem.​—Sams 145:16.

WATCHIM VIDEO NO LETEM SMOKE SPOELEM LAEF BLO IU, AND THEN ANSAREM OLKETA KWESTIN HIA:

• 

  Why nao samfala pipol smoke?

• 

  Wat nao bae happen lo iu sapos iu smoke?

• 

  Why nao wei for smoke and vaping hem rong?—2Co 7:1

• 

  Hao nao iu savve sei no lo smoke or hao nao iu savve lusim?