Go Kasem Taem Resurrection Hem Happen

Taem samwan wea iumi lovem hem dae, hope wea iumi garem lo resurrection savve comfortim iumi. Nomata olsem, sin and dae hem olsem wanfala hevi kaleko wea kavarem iumi mekem iumi safa for gud. (Aesaea 25:7, 8) Diswan nao reason why “evri samting wea God wakem gohed for krae long heart and safa tugeta.” (Ro 8:22) Go kasem taem resurrection hem happen, hao nao iumi savve deal witim feeling for sorre taem iumi lusim love wans blo iumi? Bible garem olketa principle wea savve helpem iumi.

WATCHIM VIDEO TAEM ENIWAN LO FAMILI OR FREN HEM DAE, THEN ANSAREM OLKETA KWESTIN HIA:

• Wat kaen sorre feeling nao Danielle, Masahiro, and Yoshimi olketa kasem?

• Hao nao faevfala idea lo video helpem olketa?

• Hu nao main wan wea olketa kasem comfort from hem?—2Co 1:3, 4