Hao for Iusim Olketa Bible Study Video

Iumi garem fofala Bible study video for iusim lo ministry. Hao nao for iusim each video?

• 

  Why Nao Hem Gud for Studyim Bible?​—Long Wan hem video for muvim man for interest lo Bible nomata wanem religion nao hem kam from. Video hia encouragem olketa wea lukluk for laek for faendem ansa for olketa important kwestin lo laef and hem showim tu olketa stret ansa. Hem explainim tu hao for ask for wanfala Bible study.

• 

  Why Nao Hem Gud for Studyim Bible? (short wan) hem video wea semsem tu witim datfala long wan bat hem thrifala taem short winim nara video hia. Hem fitim olketa kaen territory wea pipol savve hariap and no garem taem for story.

• 

  Hao Nao Mifala Conductim Wanfala Bible Study? hem video for pullim interest blo man for laekem free Bible study program blo iumi and ansarem olketa kwestin wea pipol savve askem, and insaed diswan hem hao for ask for givim request for wanfala study.

• 

  Welkam for Bible Study blo Iu hem video wea iu savve showim lo Bible student. Nomata disfala video hem for pleim taem iu storyim page 2 blo Enjoyim Laef for Olowe! buk, bat iu savve showim tu taem iu storyim Enjoyim Laef for Olowe! brochure. Datfala video storyim wat nao insaed lo buk and wat student bae luk forward for hem lo taem blo study.

Nomata hao olketa designim each video hem for olketa didifren situation, bat iu savve showim or sendem eniwan lo olketa video hia lo pipol lo enitaem wea fitim. Olketa pablisa kasem encouragement for savve gud lo olketa video hia and iusim lo taem olketa duim ministry.