LAEF BLO CHRISTIAN
Parents—Teachim Olketa Young Wan Blo Iu Hao for Mekem God Hapi
Jehovah ting lo olketa young wan olsem olketa spesol tumas lo hem. Hem interest for lukim hao olketa muv ahed lo spiritual wei and no givap. (1Sa 2:26; Lu 2:52) Nomata pikinini hem smol yet, gudfala wei blo hem savve mekem Jehovah hapi. (Pr 27:11) Jehovah provaedem olketa nambawan tul thru lo organization blo hem, wea savve helpem olketa parents teachim olketa young wan for lovem and obeyim Jehovah.
WATCHIM VIDEO OLKETA PIKININI, TAEM IUFALA NO GIVAP IUFALA MEKEM JEHOVAH HAPI! AND THEN ANSAREM OLKETA KWESTIN HIA:
Wat kaen help and advaes nao Jehovah provaedem for olketa young wan kasem distaem?
Olketa wat kaen tul nao hem stap for helpem olketa parents?
If iu wanfala young wan, wat nao Jehovah provaedem wea helpem iu, and why nao olsem?