HELP FOR FAMILI | MARIT
Taem Hasband Or Waef Addict lo Alcohol
Hao, spouse blo iu hem talem dat hem wari abaotem drinking habit blo iu? If olsem, hem gud for iu ting raonem samfala samting.
Lo disfala article
Wei for addict lo alcohol savve spoelem marit
Wei for addict lo alcohol savve lead go lo olketa difren health problem, olsem heart disease, cirrhosis lo liver, and cancer. Bat for addict lo alcohol hem no wanfala health issue nomoa, hem wanfala issue wea savve kosim problem lo marit tu olsem domestic violence, financial problem, no faithful, and divorce.
Bible sei taem man ova tumas lo alcohol, datwan “hem baet olsem wanfala snek, and hem savve poisonim man olsem viper snek.” (Proverbs 23:32) Hao nao bae iu savve if iu addict lo alcohol?
Hao, iu addict lo alcohol?
Olketa kwestin hia savve helpem iu for luksavve lo olketa saen wea showim dat iu addict:
Hao, iu garem problem for kontrolem haomas alcohol iu drinkim?
Hao, mind blo iu hem tingim nomoa next taem wea iu bae drink?
Hao, iu gohed nomoa for drink nomata datwan hem kosim olketa problem lo laef blo iu and marit blo iu?
Taem iu trae for stop, hao, iu barava laekem tumas for mas drink alcohol?
Hao, alcohol hem wanfala samting wea kosim raoa between iu and spouse blo iu?
Hao, distaem iu drinkim moa alcohol winim bifor?
Hao, iu drink haed or haedem alcohol lo haos or lo waka ples?
If ansa blo iu hem yes lo wanfala or samfala kwestin hia, datwan maet showim dat iu addict lo alcohol. Maet iu garem alcohol use disorder, wea nara nem blo hem alcoholism.
Careful lo wei for denyim
Hao, spouse blo iu hem talem dat hem wari abaotem drinking habit blo iu? If olsem, maet iu trae for ting smol or mek excuse for behavior blo iu. Maet iu blamem others, and spouse blo iu tu, taem iu talem kaen toktok olsem:
“If iu treatim mi gud, bae mi no need for drink.”
“If iu garem stressful waka olsem mi, bae iu drink tu ia.”
“Mi savve lo staka pipol wea savve drink winim mi.”
If iu talem kaen toktok olsem, wat nao datwan showim? Hao, hem showim dat wei for drinkim alcohol nao hem samting wea iu laekem tumas winim for garem hapi marit? Which wan nao hem shud important?
Bible principle: “Man wea marit hem wari . . . bikos hem laek for mekem waef bilong hem hapi.”—1 Corinth 7:33.
If iu denyim dat iu addict lo alcohol hem olsem wanfala wall wea blokem iu. Hem beta for iu garem wanfala window lo datfala wall for iu lukim klia wat nao spouse blo iu warim saed lo drinking habit blo iu
Wat iu savve duim
Ting hevi lo wat waef blo iu warim saed lo drinking habit blo iu. Even if spouse blo iu ova sensitive lo datfala issue, maet hem gud for iu changem samfala samting. If hem hard for iu change, and gohed nomoa for drink nomata iu savve datwan bae mekem spouse blo iu for feel nogud, then maet datwan hem saen wea showim iu garem problem saed lo alcohol.
Bible principle: “Man mas no tingim hemseleva nomoa, bat hem mas tingim nara pipol tu.”—1 Corinth 10:24.
Kasem moa information. For win lo wanfala faet, soldia mas savve lo wat enemy blo hem bae trae for duim for attakim hem. Iu feisim semkaen challenge, for winim enemy blo iu, iu mas lane abaotem wat nao alcoholism and hao hem savve trapim man. Iu mas garem wanfala gud plan wea bae helpem iu for stop from wei for depend lo alcohol, and wea bae helpem iu for avoidim drink moa.
Bible principle: “Stap klia long olketa nogud samting wea body laekem wea faet againstim iufala.”—1 Peter 2:11.
Kasem help. Olketa health-care resource stap wea focus lo wei for helpem pipol wea garem alcohol use disorder, includim olketa recovery program, treatment center, and hospital. Iu savve askem help tu from wanfala mature fren wea savve helpem iu for identifyim eni underlying issue wea contribute lo wei wea iu addict lo alcohol. Then iu savve ringim datfala person for helpem iu for winim datfala feeling for laek drink moa.
Hem gud for kasem help from olketa professional health-care resource
Bible principle: “Wanfala tru fren hem showim love evritaem, and hem kamap wanfala brata blo iu lo taem blo trabol.”—Proverbs 17:17.
Wei for addict lo alcohol hem wanfala complicated issue wea hard for iu solvem bihaen iu readim wanfala short article, or hem hard for iu winim tu if iu sei, “Bae mi trae for kat daon lo drink.” Bat, iu shud savve dat hao iu addressim disfala issue hem no only affectim health blo iu, bat hem affectim tu marit blo iu.
For moa information: Readim olketa article lo daon for savve wat nao others duim for ovakamim wei for addict lo alcohol.
And tu, watchim video ‘Mi Les Long Laef Bilong Mi’