BIBLE CHANGEM LAEF BLO PIPOL

Olketa Faendem Datfala ‘Pearl wea Gud Winim Narawan’

Jesus teachim hao Kingdom blo God nomoa savve stretem evri problem blo olketa man. (Matthew 6:10) Lo Matthew 13:44-46, hem storyim tufala tokpiksa wea showim hao truth abaotem Kingdom blo God hem barava important:

Collage: Tufala man lo tokpiksa blo Jesus. 1. Wanfala man hem dig lo graon and hem sapraes tumas taem lukim wat hem faendem. 2. Narawan man hem holem ap wanfala pearl and hem smile.

Wanfala man hem waka lo field and seke nomoa hem faendem wanfala expensive samting wea stap haed lo datfala pis land.
Wanfala bisnisman wea go long olketa difren ples for lukaotem olketa gudfala pearl for baem.

Trufala man hia hapi for salem evriting wea tufala ownim mekem tufala savve peim datfala expensive samting wea tufala faendem. Tufala man hia piksarem pipol wea tinghae lo Kingdom and olketa mekem big sakrifaes mekem olketa savve kasem blessing. (Luke 18:29, 30) Lo disfala video, lukim tufala hia wea olsem tufala man wea Jesus storyim lo tokpiksa blo hem.