Waswe, Enitaem Bae Economy Mekem Evriwan Garem Gud Laef?

Lo staka kantri, pipol protest lo olketa street bikos economy lo kantri mekem samfala pipol rich, bat staka olketa poor. no mas gud. Covid-19 pandemic hem mekem diswan worse go moa bikos pipol lockdown, short lo staka samting, and olketa no kasem gudfala medical treatment saed lo health. Diswan barava mekem hem klia laef blo olketa wea rich hem barava difren from olketa wea poor.

Waswe, olketa problem saed lo economy wea mekem pipol safa bae finis enitaem? Yes. Bible storyim wanem God bae duim for stretem olketa problem wea iumi feisim distaem.

Olketa problem saed lo economy wea God bae stretem

Problem: Olketa man no fit for provaedem economy wea bae givim need blo evri pipol

Problem: Pipol no savve stopem olketa samting wea mekem olketa safa and for short lo samting.

Problem: Pipol wea selfish and greedy savve treatim nogud lo olketa narawan.

Hao for stretem: Olketa wea stap anda lo Kingdom blo God bae lane for showimaot love lo olketa narawan and no tingim olketa seleva nomoa.—Matthew 22:37-39.

Gud samting: Anda lo Kingdom blo God evriwan bae showimaot love wea mekem man no “no savve tinghae tumas long hemseleva.” (1 Corinth 13:4, 5) Bible hem sei: “Long disfala Tambu Maonten long Saeon, olketa pipol bae i nating save spoelem olketa samting, bikos disfala wol bae hemi fulap long pipol hu i barava savegud long [Jehovaha], olsem si hemi fulap long solwata.—Aesaea 11:9.

Bible storyim tu iumi stap lo olketa last day and klosap nao bae God hem duim wanem hem promisim for stretem evri problem wea kamap saed lo economy.b (Sams 12:5) Go kasem datfala taem, olketa Bible principle savve helpem iu for deal witim olketa problem wea iu feisim distaem bikos lo problem saed lo economy. Olsem example, lukim olketa article hia lo English, “How to Live on Less” and “A Balanced View of Money.”