Global Food Crisis Happen Bikos lo War and Climate Change—Wat Nao Bible Talem Abaotem Datwan?

War lo Ukraine witim climate change continue for barava stopem flow blo global food supplies. Datwan happen especially lo olketa developing kantri wea staka pipol stragol for kasem inaf food.

• “War, climate change, energy prices, and samfala nara samting stopem flow blo production and availability blo food.”—António Guterres, UN secretary-general, July 17, 2023.

• “Experts predictim dat from Russia withdraw from grain export agreement, datwan bae mekem global food crisis worst go moa, and food inflation price bae hae tumas especially lo olketa low income kantri olsem North Africa and Middle East.”—Atalayar.com, July 23, 2023.

Tingim wat Bible talem abaotem food crisis, and future.

Bible profesi abaotem food crisis

• Jesus profesi olsem: “Bae pipol long wanfala ples faetem pipol long nara ples and pipol long wanfala kantri faetem pipol long nara kantri. Olketa taem bilong bigfala hangre bae kasem plande pipol.”—Matthew 24:7.

• Bible buk Revelation describem fofala man wea raedem horse wea representim fofala difren samting. Wanfala lo olketa representim war. Man wea raed bihaen lo hem representim bigfala hangere, wea datwan hem taem pipol bae rationim food, and food bae barava expensive tumas. Bible sei: “Mi lukim wanfala blak horse, and man wea raedem holem balance scale lo wanfala hand. Mi herem samting wea saond olsem wanfala voice . . . Hem sei, ‘Wanfala quart blo wheat bae kostim iu wanfala full day wages! Thrifala quart blo barley bae kostim iu wanfala full day wages tu.’”—Revelation 6:5, 6, Contemporary English Version.

Olketa Bible profesi hia abaotem food crisis fulfill distaem lo taem wea Bible kolem “olketa last day.” (2 Timothy 3:1) For lanem moa samting abaotem “olketa last day,” and fofala man wea raedem horse lo Revelation, watchim video World Hem Change Start From 1914 and readim article “Fofala Man wea Raedem Horse—Hu Nao Olketa?”

Hao Bible savve help

• Bible garem practical advaes wea savve helpem iumi cope witim olketa situation wea no isi, includim tu food prices wea sut ap, or for short lo food. Lukim samfala example lo article “Wat for Duim Taem Pei blo Iu Katdaon.”

• Bible givim iumi hope tu hao evriting bae kamap gud. Hem promisim taem wea “lan blong [iumi] hemi garem plande kaikai long hem,” and evriwan bae garem staka food for kaikaim. (Sams 72:16, SIPB) For lanem moa samting abaotem datfala hope for future, and why iu savve trustim datwan, readim article “A Real Hope for a Better Tomorrow.”