Economic Problem—Wat Kingdom blo God Bae Duim

Hem hard tumas for staka pipol raonem world kasem inaf selen for survive, and disfala problem hem gohed for worse go moa.

• Wanfala recent global report sei,a “selen wea pipol kasem evri month hem smol tumas.” Report hia sei if datfala problem hem no solve, “inequality bae increase” and datwan bae mekem “laef hem no isi for staka wakaman and famili blo olketa.”

Hao, olketa gavman fit for solvem disfala economic problem, or just impruvim nomoa?

Bible storyim dat wanfala gavman savve solvem and bae hem solvem evri economic problem, includim inequality. Hem sei “God wea rul lo heven bae startim wanfala kingdom,” wanfala gavman nomoa wea bae rul ovarem full earth. (Daniel 2:44) Taem datfala gavman hem rul bae hem no forgetim eniwan. (Psalm 9:18) Kingdom blo God bae mek sure evri citizen blo hem bae garem wat olketa needim for stap hapi. Evriwan bae fit for enjoyim gud samting from hard waka blo olketa.—Isaiah 65:21, 22.