Hao, Bae Armageddon Start lo Israel?—Wat Nao Bible Talem Abaotem Datwan?

Bible describem Armageddon, olsem wanfala global war wea happen between olketa gavman blo man and God, no wanfala war wea affectim nomoa wanfala part lo earth.

• “Olketa message hia kam from olketa demon and olketa king evriwea long earth herem . . . for hipimap olketa king for datfala war wea bae kamap long bigfala day bilong God Olmaeti. Olketa hipimap olketa king hia long datfala ples wea long Hebrew languis olketa kolem lo Armageddon.”—Revelation 16:14, 16.

Datfala word “Armageddon” kam from datfala Hebrew word Har Meghid·dohnʹ, wea minim “Maunten blo Megiddo.” Megiddo hem wanfala city lo Israel bifor. From datwan, samfala pipol sei dat Armageddon bae happen lo Israel. Bat, datfala area lo Megiddo or eni nara area lo Midol East hem no big inaf for hipimap “olketa king evriwea long earth” and olketa army blo olketa.

Olketa raetem buk blo Revelation lo wei wea hem “piksarem” samting or stand for olketa nara samting. (Revelation 1:1) Armageddon hem no happen lo wanfala really ples lo earth, bat hem bae happen evriwea lo world wea bae mekem olketa nation for hipap tugeta for iusim last paoa blo olketa for faet againstim gavman blo God.—Revelation 19:11-16, 19-21.