Pipol No Trustim Politicians—Wat Nao Bible Sei?

Lo year 2024 nao bae staka election happen evriwea lo world. Bat staka pipol no trustim politicians.

• Lo wanfala survey, staka Americans sei “klosap evri politician duim nomoa wat olketa seleva laekem,” and ignorim needs blo pipol.a—Pew Research Center, September 19, 2023.

Staka young pipol tu no trustim politicians.

• “Lo olketa survey hem showim dat teenagers laek for faendem solutions for important issues wea affectim olketa, bat politicians no savve duim datwan.”—The New York Times, January 29, 2024.

• “Wanfala survey sei young pipol barava trustim YouTubers and no politians.”—The Korea Times, January 22, 2024.

Hao, iumi savve trustim politicians for gud future? Hu nao iumi savve trustim?

Careful lo person wea iu trustim

Hem important for pipol careful lo person wea olketa trustim. Bible sei “man wea no garem experience hem bilivim evri toktok, bat man wea wise ting raonem each step blo hem.”—Proverbs 14:15.

• Iu savve kasem helpful tips lo hao for chekim gud information wea iu receivim, readim article “No Letem False Information Affectim Iu.”

And tu, politicians wea honest and laek duim gud samting no fit for duim datwan. Dastawe Bible talem disfala warning:

• “Iu no putim trust blo iu lo human leaders. No eni human being savve sevem iu.”—Psalm 146:3, Good News Translation.

Wanfala leader iu savve trustim

Bible explainim dat God appointim Jesus Christ, wea hem qualified leader wea iu savve trustim. (Luke 1:32, 33) Jesus hem King lo Kingdom blo God, wea hem gavman wea rul from heven.—Matthew 6:10.

• Faendaot why iu savve trustim Jesus and wat hem bae duim for solvem evri problem iumi feisim. Readim articles “Hu Nao King lo Kingdom blo God?” and “Wanem Nao Kingdom blo God Bae Duim?”