Yan Zabolotnyi/stock.adobe.com
GOHED FOR LUKAOT!
Wei for Brekem Law Increase Evriwea lo World—Wat Nao Bible Sei?
Gang violence tumas nao lo Haiti. Violent crime lo South Africa, Mexico, and lo olketa nara Latin American kantri mekem staka pipol safa fogud. Even lo olketa ples wea violence decrease, olketa report sei property crime mekem pipol no feel sef and for wari.
Wat nao Bible sei abaotem wei for brekem law wea increase evriwea lo world?
Bible profesi abaotem wei for brekem law
Bible profesi abaotem wei for brekem law hem part lo saen wea showim “world hem gogo for finis.” (Matthew 24:3) Taem Jesus Christ describem olketa event wea part lo datfala saen, hem sei:
“From plande pipol duim olketa samting wea no stret, love bilong staka bae no strong nao olsem bifor.”—Matthew 24:12.
Bible profesi tu abaotem hao “long olketa last day” pipol bae “no savve kontrolem seleva, raf, and no laekem gud samting.” (2 Timothy 3:1-5) Pipol wea garem olketa nogud wei olsem duim olketa samting for brekem law wea iumi lukim distaem.
Nomata olsem, olketa reason stap for iumi garem hope. Bible promisim dat klosap nao pipol wea brekem law bae no stap.
“Lelebet taem nomoa stap, and wicked pipol bae nomoa nao. Iu bae luk lo ples wea olketa stap, and bae olketa no stap lo there nao. Bat pipol wea hambol bae stap lo earth, and olketa bae hapi tumas bikos olketa bae barava stap lo peace.”—Psalm 37:10, 11.
Iu savve lanem moa samting abaotem message blo hope lo Bible and why iu savve sure olketa event iumi lukim distaem fulfillim olketa Bible profesi. Readim olketa article hia:
“A Real Hope for a Better Tomorrow”