Why Nao Iufala Garem Nem Olketa Jehovah’s Witness?

Jehovah hem nem bilong God, and datfala nem stap insaed Bible. (Exodus 6:3; Psalm 83:18) Sapos wanfala man talemaot olketa samting wea hem barava bilivim hem tru, pipol bae kolem hem wanfala witness.

So nem bilong mifala, Olketa Jehovah’s Witness, showimaot mifala wanfala Christian grup wea talemaot tru samting abaotem Jehovah, wea hem nao wakem evri samting. (Revelation 4:11) Mifala witness long pipol long olketa samting wea mifala duim and long wei for sharem samting wea mifala lanem from Bible.—Isaiah 43:10-12; 1 Peter 2:12