Waswe, Iufala Wanfala Sect From America?

Hedquarter bilong mifala hem long America. Bat mifala no wanfala sect from America. Samfala reason why hem olsem:

• Samfala pipol sei sect hem wanfala grup pipol wea lusim wanfala religion for startim religion bilong olketa seleva. Olketa Jehovah’s Witness no olsem. Long tingting bilong mifala, mifala startim moa Christian Wei wea olketa followim long taem bilong olketa aposol.

• Olketa Jehovah’s Witness busy for duim preaching waka bilong olketa long winim 230 kantri. Nomata long wea nao mifala stap, mifala mas obeyim Jehovah God and Jesus Christ firstaem. Sapos gavman bilong America or eni nara gavman talem mifala for duim samting wea againstim Bible, mifala bae no duim datwan.—John 15:19; 17:15, 16.

• Evri teaching bilong mifala kam from Bible, hem no from tingting bilong eni man long America.​—1 Thessalonica 2:13.

• Mifala followim Jesus Christ, no eni man.​—Matthew 23:8-10.