Waswe, Olketa Animal Go lo Heven tu?
Ansa from Bible
Bible teachim iumi hao lo evri samting wea laef lo earth, only smol namba blo olketa pipol nomoa bae go lo heven. (Revelation 14:1, 3) Olketa go lo there for rul olsem olketa king and priest witim Jesus. (Luke 22:28-30; Revelation 5:9, 10) Majority blo olketa pipol bae resurrect for laef lo wanfala paradaes earth.—Psalm 37:11, 29.
No eni ples lo Bible hem storyim hao olketa feedim eni pet or dog lo heven, and gud reason hem stap for datwan. Olketa animal no savve duim olketa samting for qualify for “garem hope for go long heven.” (Hebrew 3:1) Olketa samting hia includim wei for kasem savve, showimaot faith, and obeyim olketa komand blo God. (Matthew 19:17; John 3:16; 17:3) Only olketa human being nomoa God creatim olketa for laef for olowe.—Genesis 2:16, 17; 3:22, 23.
For go lo heven, olketa samting wea laef mas resurrect. (1 Corinth 15:42) Bible hem storyim samfala resurrection. (1 Kings 17:17-24; 2 Kings 4:32-37; 13:20, 21; Luke 7:11-15; 8:41, 42, 49-56; John 11:38-44; Acts 9:36-42; 20:7-12) Bat, evriwan hia wea resurrect hem olketa man nomoa, no animal.
Waswe, olketa animal garem soul?
Nomoa. Bible sei hao olketa man and olketa animal evriwan nao olketa soul. (Numbers 31:28) Taem God creatim first man, Adam, hem no givim hem wanfala soul bat “hem kamap wanfala soul wea laef.” (Genesis 2:7, footnote) Tufala samting nao insaed lo soul: “Dust blo graon” and “brith blo laef.”
Waswe, soul savve dae?
Yes, Bible teachim hao soul savve dae. (Leviticus 21:11; Ezekiel 18:20) Taem olketa animal and man olketa dae, olketa go bak lo graon. (Ecclesiastes 3:19, 20) Iumi savve sei, olketa no stap nao.
Waswe, olketa animal sin?
Nomoa. For sin hem minim for garem tingting, feeling, or duim samting wea againstim standard blo God. For wanfala samting wea laef hem sin, hem mas garem wei for luksavve lo samting wea stret and no stret, but olketa animal no garem ability for duim datwan. Olketa savve duim samting followim nomoa natural behaviour blo wanfala animal for short taem wea olketa life. (2 Peter 2:12) Olketa dae lo end blo laef span blo olketa, nomata olketa no duim eni sin.
Waswe, hem olraet nomoa for treatim nogud lo olketa animal?
Nomoa. God givim waka lo olketa man for lukaftarem olketa animal, but hem no givim raet lo man for treatim nogud olketa animal. (Genesis 1:28; Psalm 8:6-8) God kea for laef blo each animal, includim olketa smol bird. (Jonah 4:11; Matthew 10:29) Hem givim komand for olketa wea worshipim hem for kea for olketa animal.—Exodus 23:12; Deuteronomy 25:4; Proverbs 12:10.