8 Datfala wild animal wea iu lukim hem bin stap, bat hem no stap, and then klosap bae hem kamaot from datfala abyss,*+ and gogo bae hem distroe. And olketa wea stap lo earth (olketa wea nem blo olketa no stap lo scroll blo laef+ start kam lo taem wea olketa man start for born lo earth), bae sapraes tumas taem olketa lukim hao datfala wild animal wea bin stap, bat hem no stap, and then bae hem stap.