Footnote

b First part bilong Luke 23:34 no stap insaed samfala manuscript bilong bifor. Bat, bikos olketa toktok hia stap insaed planti nara important manuscript, olketa stap insaed long New World Translation and planti nara transleison. Luk olsem Jesus story abaotem olketa soldia bilong Rome wea killim hem. Olketa no savve wanem olketa duim, from olketa no really savve hu nao Jesus. And, maet hem storyim tu olketa Jew wea sapotim wei for killim hem dae bat wea gogo olketa showimaot faith long hem. (Acts 2:36-38) Hem tru, olketa bigman bilong religion wea muvim olketa for killim hem garem bigfala blame, bikos olketa savve barava nogud samting wea olketa duim. For planti hia, olketa no fit for kasem forgiveness.​—John 11:45-53.