Footnote

c Disfala story showimaot tufala example blo wei for no showimaot respect. First, Law talem stret which part lo animal wea olketa sakrifaesim nao olketa priest savve kaikaim. (Deut. 18:3) Bat olketa nogud priest lo tabernacle, barava duim difren samting. Olketa talem olketa wakaman blo olketa for tekem big fork and pushim insaed lo eni pot wea olketa iusim for boelem olketa sakrifaes, and olketa tekem for olketa seleva eni meat nomoa, wea pas lo fork, nomata sapos hem best wan! Nara samting, taem pipol tekem kam sakrifaes for bonem lo altar, olketa nogud priest hia talem olketa wakaman blo olketa for forcem olketa pipol hia for givim lo olketa, meat wea olketa no kukim yet wea olketa shud sakrifaesim firstaem gris blo hem for Jehovah.—Lev. 3:3-5; 1 Sam. 2:13-17.