Footnote

e Xerxes I hem wanfala king wea savve kros kwiktaem and tingting blo hem savve change kwiktaem. Wanfala man wea raetem history blo Greece, wea nem blo hem Herodotus, hem sei wanfala example lo diswan hem taem Xerxes faet againstim Greece. King orderim olketa for laenem olketa ship for kamap olsem wanfala bridge for akrosim Hellespont. Taem wanfala big wind spoelem datfala bridge, Xerxes talem olketa for katemaot hed blo evri engineer and talem olketa man blo hem for “panisim” datfala Hellespont lo wei for whipim wata hia and readim laod olketa toktok againstim datfala wata. Lo datfala sem taem, taem wanfala rich man ask for son blo hem no joinim army, Xerxes katem body blo datfala son lo haf and hangem olsem wanfala warning.