Footnote

a Olketa mas no aotem tufala stik from olketa ring nomata taem Ark stap long ples bilong hem insaed tabernacle. So, tufala stik hia bae olketa no iusim for eni nara samting. And tu, olketa bae no need for tasim datfala Ark; sapos olketa aotem tufala stik from olketa ring, olketa wea karem bae need for tasim datfala holy Ark for putim bak stik thru long olketa ring. Toktok long Numbers 4:6 abaotem wei for ‘putim go tufala stik bilong hem’ maet hem minim wei for arrangem or stretem tufala stik taem olketa redy for karem datfala hevi box go long niu ples for camp.