Footnote

a Taem Jesus story abaotem saen bilong olketa last day, hem storyim samfala difren tokpiksa long olketa disaepol bilong hem. Interesting samting nao, firstaem hem story abaotem “datfala wakaman wea faithful and wise,” wea hem wanfala smol grup bilong olketa anointed brata wea bae leadim pipol bilong God. (Matt. 24:45-47) Then hem storyim olketa tokpiksa abaotem evri anointed Christian. (Matt. 25:1-30) Then hem story abaotem olketa wea bae laef olowe long earth wea sapotim olketa brata bilong Christ. (Matt. 25:31-46) Olsem tu, taem disfala profesi bilong Ezekiel start for kamap tru long taem bilong iumi, main wan wea hem story abaotem hem olketa anointed Christian. Nomata iumi no evritaem sei datfala ten tribe kingdom piksarem olketa wea garem hope for laef long earth, profesi hia mekem iumi tingim wei wea olketa anointed Christian and olketa nara sheepsheep olketa wan mind.