Footnote

b Sarah hem haf sista bilong Abraham. Terah hem dadi bilong tufala, bat tufala born long tufala difren woman. (Genesis 20:12) Nomata distaem hem no fitim for man maritim sista bilong hem, bat iumi mas remember datfala taem hem difren from distaem. From olketa laef no longtaem bihaen Adam and Eve lusim perfect laef, olketa savve maritim klos relative. Nomata olketa duim datwan, hem no affectim health bilong olketa pikinini bilong olketa bikos long datfala taem olketa man strong and laef longtaem. Bat samting olsem 400 year bihaen, olketa man no savve laef longtaem, olsem iumi distaem. Start long taem hia nao Law bilong Moses hem stopem wei for duim sex witim klos relative.​—Leviticus 18:6.