Pikinini bilong iu needim staka samting, olsem for iu lovem, trainim, and protectim hem. Bat wanem nao nambawan samting wea iu savve givim long pikinini bilong iu? Hem nao for teachim pikinini for savve long Jehovah and olketa tru samting wea stap long Bible. (John 17:3) Nomata pikinini bilong iu smol nomoa, sapos iu teachim hem, datwan savve helpem hem for lovem Jehovah and barava laek for worshipim hem. —Matthew 21:16.

Staka dadi and mami luksavve best wei for teachim smol pikinini hem for no story longtaem. So mifala hapi for provaedem disfala brochure, Mi Lanem Bible. Hem isi for pikinini lanem olketa leson insaed disfala brochure. Olketa piksa and toktok hem for pikinini wea no winim thri year. Disfala brochure garem samfala samting for dadi and mami duim for helpem pikinini barava minim each leson. Mi Lanem Bible brochure hem for iufala dadi and mami readim witim pikinini bilong iufala, and for helpem famili story tugeta.

Mifala sure disfala brochure bae helpem iu for teachim pikinini bilong iu olketa tru samting long Bible ‘start kam from taem hem baby yet.’—2 Timothy 3:14, 15.

Olketa brata bilong iufala,

Governing Body Bilong Olketa Jehovah’s Witness

Hu nao wakem earth?

Hu nao wakem sea?

Hu nao wakem iu and mi?

Hu nao wakem butterfly wea garem naes kala?

Jehovah wakem evri samting and iumi tufala.

HELPEM PIKININI MINIM LESON

Readim long pikinini:

Revelation 4:11

Talem pikinini for showim:

Star Cloud Sun

Boat Earth Haos

Sea Butterfly

Askem pikinini:

Hu nao nem bilong God?

Jehovah stap long wea?

Wanem nao hem wakem?

Lukim olketa animal wea Noah kolem kam.

Hao, iu savve nem bilong olketa evriwan?

Olketa animal, evri difren kaen, ark bilong Noah sevem long datfala taem.

HELPEM PIKININI MINIM LESON

Readim long pikinini:

Genesis 7:7-10; 8:15-17

Talem pikinini for showim:

Bear Dog Elephant

Giraffe Lion Monkey

Pigpig Sheepsheep

Zebra Rainbow

Talem pikinini for singaot olsem olketa animal hia:

Dog Lion Buluka

Pigpig Bird

David herem fren bilong hem sik.

So hem sei: “Mi bae duim samting for Manu.

Bae mi raetem leta for mekem hem feel beta, and then bae mi givim leta hia long hem tu!”

Kaen long narawan, and iutufala bae hapi!

HELPEM PIKININI MINIM LESON

Readim long pikinini:

1 Peter 3:8

Talem pikinini for showim:

Haos Tebol David

Sun Bird Tree

Askem pikinini:

Hu nao iu savve hem sik distaem?

Wanem nao iumi savve duim for mekem hem feel beta?

Lucy hem sei:

“Hem rain full day.

Plis rain iu stop.

Mi laek for plei.”

Lucy hem sapraes

taem sun hem sun!

Hem feel gud tumas

for lukim datwan.

Hem ran aotsaed, and lukluk raon. Hem hapi for lukim flaoa long graon.

Lucy hem sei, “Mi just lukim go rain from God mekem flaoa hem grow!”

HELPEM PIKININI MINIM LESON

Readim long pikinini:

Acts 14:17

Talem pikinini for showim:

Window Bird Lucy

Tree Flaoa

Talem pikinini for lukaotem:

Beetle Aeroplane

Askem pikinini:

Why nao Jehovah wakem rain?

Taem fren givim present or hem kaen long iu showimaot iu hapi and givim big smile tu!

Naes samting iu kasem, iu tinghae long hem tu. So mas no forget for sei “Thankiu!”

HELPEM PIKININI MINIM LESON

Readim long pikinini:

1 Thessalonica 5:18

Talem pikinini for showim:

Present Boy

Door Kaikai

Talem pikinini for lukaotem:

Apple Mobile phone

Askem pikinini:

Why nao hem gud for talem “Thankiu”?

Lukluk long finger, sekem leg bilong iu.

Point go long ear then point long nose tu.

Lukluk long leg. Leg hem for wanem? For ran and for jamp, iumi hapi for garem!

Lukluk long mirror and bae iu agree,

hem nambawan wei wea God wakem iumi!

HELPEM PIKININI MINIM LESON

Readim long pikinini:

Psalm 139:14

Askem pikinini wea nao:

Finger Toe Nose

Ear Mouth

Askem pikinini for lukaotem:

Krab Puskat

Askem pikinini:

Hu nao wakem iumi?