• Comfort for Olketa wea Safa
    Wastaoa—2003 | January 1

    • God no creatim olketa man for safa. Hem givim firstfala man and woman, Adam and Eve, perfect mind and body, redyim naesfala garden for tufala stap insaed, and givim tufala waka wea garem mining and wea bae mekem tufala satisfae. (Genesis 1:27, 28, 31; 2:8) Nomata olsem, for tufala go ahed for stap hapi hem depend long wei wea tufala luksavve long rul bilong God and wei wea hem fit for disaedem samting wea gud and samting wea nogud. “Datfala tree bilong savve long gud and nogud samting” nao piksarem datfala komand bilong God. (Genesis 2:17) For showimaot tufala stap anda long God, Adam and Eve need for obeyim komand bilong hem and no kaikai from datfala tree.a

  • Comfort for Olketa wea Safa
    Wastaoa—2003 | January 1

    • a Long footnote long Genesis 2:17, The Jerusalem Bible explainim hao “savve long gud and nogud samting” hem minim “paoa for disaedem . . . wanem hem gud and nogud and for duim samting followim diswan, wei wea man laek for independent evribit hem minim hem les for luksavve long position bilong hem olsem samting wea God creatim. Disfala first sin hem attakim sovereign rul bilong God.”