Wastaoa ONLINE LIBRARY

Tinghae Long Spesol Waka Bilong Jesus Insaed Plan Bilong God

Wastaoa—2008 | December 15
- “Pikinini” wea God Promisim
  
  18. Bihaen Adam hem sin, wanem promis nao God talem? Wanem nao olketa nara profesi talem abaotem diswan?
  
  ¹⁸ Long Eden, hem luk olsem olketa man lusim evri gud samting nao bikos olketa no fren gud witim Jehovah, no laef olowe, no hapi, and no stap long Paradaes nao. Bat Jehovah God promisim hao wanfala man bae sevem olketa man. Hem nao disfala “pikinini” wea profesi story abaotem. (Gen. 3:15) Long olketa year bihaen datwan, staka profesi long Bible storyim disfala Pikinini. Disfala Pikinini bae born kam long laen bilong Abraham, Isaac, and Jacob. Hem bae kam from laen bilong King David tu.—Gen. 21:12; 22:16-18; 28:14; 2 Sam. 7:12-16.
  
  19, 20. (a) Hu nao datfala Pikinini wea God promisim? (b) Why nao iumi fit for sei datfala pikinini hem no Jesus nomoa?
  
  ¹⁹ Hu nao datfala Pikinini wea God promisim? Ansa hem stap long Galatians 3:16. (Readim.) Bat long sem chapter, aposol Paul hem sei long olketa anointed Christian: “From iufala bilong Christ, iufala pikinini bilong Abraham nao, olketa wea kasem wanfala promis.” (Gal. 3:29) Iumi savve Christ nao hem datfala Pikinini, bat long wanem wei nao samfala nara man tu insaed diswan?
  
  ²⁰ Staka pipol sei olketa born kam long laen bilong Abraham and samfala sei olketa profet tu. Samfala church mekhae long pipol wea sei olketa profet wea born kam long laen bilong Abraham. Bat waswe, pipol hia nao datfala Pikinini wea God promisim? Nomoa. Aposol Paul talem hao no evriwan wea kam from laen bilong Abraham savve sei olketa nao datfala Pikinini wea God promisim. Jehovah no iusim olketa pikinini bilong olketa nara son bilong Abraham for givim gud samting long olketa man. Olketa pikinini wea born kam long laen bilong Isaac nao duim datwan. (Heb. 11:18) Jesus Christ wea kam from laen bilong Abraham nao hem barava important pikinini wea Bible profesi abaotem.b Olketa narawan wea kam bihaen tu join witim disfala pikinini bikos olketa “bilong Christ.” Tru tumas, waka wea Jesus duim for mekem disfala profesi kamap tru hem spesol tumas.

Tinghae Long Spesol Waka Bilong Jesus Insaed Plan Bilong God

Wastaoa—2008 | December 15
- b Nomata olketa Jew long first century C.E. tingse olketa nao pipol wea God bae chusim bikos olketa barava kam from laen bilong Abraham, olketa weitim wanfala man wea bae kamap Messiah, wea hem nao Christ.—John 1:25; 7:41, 42; 8:39-41.

Tinghae Long Spesol Waka Bilong Jesus Insaed Plan Bilong God

Wastaoa—2008 | December 15
- ◼ Pikinini wea God Promisim. (Gen. 3:15) Jesus Christ nomoa hem barava important pikinini wea profesi storyim. Olketa narawan wea kam bihaen wea join witim disfala pikinini bilong Abraham, olketa “bilong Christ.”—Gal. 3:29.