• “Hem Raeteous Bikos Long Gudfala Samting wea Hem Duim”
    Wastaoa wea Talemaot Kingdom Bilong Jehovah—2014

    • DATFALA JURY WOMAN, RAHAB

      Rahab hem wanfala jury woman. Samfala man wea raet abaotem Bible bifor no laek storyim datwan and sei Rahab lukaftarem wanfala resthaos nomoa. Bible talem stret hem wanfala jury woman and no haedem datwan. (Joshua 2:1; Hebrew 11:31; James 2:25) Luk olsem long culture bilong pipol long Canaan wanem Rahab duim hem olraet nomoa. Nomata olsem, maet Rahab luksavve samting wea hem duim hem no stret. (Rome 2:14, 15) Maet Rahab shame long wanem hem duim, bat hem no savve hao for changem laef bilong hem. Maet staka distaem laef bilong olketa olsem Rahab, and hem nomoa wanem olketa savve duim for lukaftarem famili bilong olketa.

  • “Hem Raeteous Bikos Long Gudfala Samting wea Hem Duim”
    Wastaoa wea Talemaot Kingdom Bilong Jehovah—2014

    • HEM KAEN LONG OLKETA SPAE

      Wanday, tufala stranger kam kasem haos bilong Rahab bifor olketa Israelite march raonem Jericho. Tufala man hia no laekem eniwan for luksavve long tufala, bat staka long datfala taon lukaotem eniwan wea maet kam from Israel for spaem taon bilong olketa. Maet Rahab kwiktaem for luksavve long tufala. Staka stranger savve kam long haos bilong hem bikos hem wanfala jury woman, bat tufala man hia lukaotem nomoa ples for stap.