3. Olsem Job 38:22, 23, 25-29 talem, God ask abaotem wanem kaen samting?

³ Long wanfala part, God hem askem Job: “Waswe, iu go insaed stoahaos bilong snow, or iu lukim nao olketa stoahaos bilong hail, wea mi holem bak for taem bilong trabol, for day bilong faet and war?” Snow and hail tufala part bilong laef long staka ples. God hem sei moa: “Hu nao wakem valley for flood followim and wanfala wei for storm cloud followim, for mekem hem rain antap long land wea no eni man stap long hem, antap long wilderness wea no eni pipol stap long hem, for mekem gud olketa ples wea storm spoelem and wea no eniwan stap long hem and for mekem grass for grow? Waswe, dadi bilong rain hem stap, or hu nao mekem wata bilong naet? From bele bilong hu nao ice hem kamaot, and saed long ice bilong heven, hem born kam from hu nao?”—Job 38:22, 23, 25-29.

7. Hao big nao savve bilong man abaotem rain?

⁷ Or waswe long rain? God askem Job: “Waswe, dadi bilong rain hem stap, or hu nao mekem wata bilong naet?” Datfala sem encyclopedia hem sei: “Bikos long staka difren samting wea iumi faendem long atmosphere and wei wea wata and dust long air savve barava difren evritaem, luk olsem man kanduit for kasem wanfala klia mining abaotem hao nao olketa cloud and rain kamap.” For talem long isi wei, olketa scientist givim samfala idea, bat olketa no savve minim rain evribit. Nomata olsem, iu savve hao nao rain wea iumi needim hem kam, watarem earth, mekem laef go ahed and fit for iumi enjoyim.