• ‘Talem Gudfala Toktok for Strongim Narawan’
    “Gohed Kasem Gud Samting From Love Bilong God”

    • TINGTING GUD FIRSTAEM BIFOR TOKTOK

      4, 5. Buk bilong Proverbs storyim wanem abaotem toktok wea man talem?

      4 Wanfala reason why iumi mas tingting gud firstaem bifor iumi toktok hem bikos wanem iumi talem savve strongim narawan or spoelem hem. Proverbs 15:4 sei: “Man wea talem gudfala toktok savve healim narawan, bat man wea talem nogud toktok savve spoelem man.”a Long sem wei wea wata savve mekem tree wea gogo for dae hem laef moa, naesfala toktok savve strongim man. Bat man wea talem samting wea no stret savve barava spoelem feeling bilong narawan. Tru tumas, wanem iumi talem savve helpem narawan or spoelem hem.—Proverbs 18:21.