17. Olsem Zephaniah 1:14-16 hem talem, hao klos nao judgment day bilong Jehovah?

¹⁷ Hao klos nao judgment day bilong Jehovah? Long Zephaniah 1:14-16, God talem disfala promis: “Bigfala day bilong Jehovah hem klosap. Hem klosap nao, and hem start for hariap tumas. Noise bilong day bilong Jehovah hem nogud tumas. Long datfala taem wanfala strongfala man hem singaot big. Datfala day hem wanfala day bilong bigfala kros, day for mekem man feel nogud and garem bigfala wari, day bilong bigfala wind and for finisim evri samting, day bilong darkness and bilong laet wea fail, day bilong olketa cloud and bilong smoke, day bilong horn and bilong alarm signal, againstim olketa strongfala taon and againstim olketa haefala taoa long wall.”

19, 20. (a) Wanem nao samfala samting wea happen taem kros bilong God kasem Judah and Jerusalem? (b) From wei for distroe hem for disfala system nomoa, wanem nao olketa kwestin wea kamap?

¹⁹ Taem kros bilong God kasem Judah and Jerusalem, hem “day for mekem man feel nogud and garem bigfala wari.” Pipol bilong Babylon wea attak bae kosim planti wei for safa for pipol bilong Judah, insaed diswan bigfala wari taem man feisim dae and wei for distroe. Datfala “day bilong bigfala wind and for finisim evri samting” bae wanfala taem bilong darkness, cloud, and smoke, maet no long tokpiksa wei nomoa bat tu long really wei, bikos smoke and wei for busarem pipol bae evriwea. Hem “day bilong horn and bilong alarm signal,” bat olketa warning hia bae iusles nomoa.