Naenfala long olketa go for lukim olketa priest. Bat wanfala long olketa wea hem man bilong Samaria, hem go bak for lukaotem Jesus. Why nao olsem? Hem barava tinghae long wanem Jesus duim for hem. Hem “singaot big and praisem God,” bikos hem luksavve God nao mekem hem gud bak. (Luke 17:15) Taem hem faendem Jesus, hem nildaon front long hem and thankiu long hem.

Taem Jesus healim tenfala man wea garem leprosy, datwan showimaot hem kasem paoa from Jehovah God. Luk olsem wanfala long olketa wea Jesus healim maet garem hope tu for kasem laef. Distaem God no iusim Jesus for duim olketa mirakol for healim pipol. Bat sapos iumi biliv long Jesus, iumi savve garem hope for laef olowe. Waswe, iumi showimaot iumi tinghae olsem datfala man bilong Samaria?