• Wanfala Smol Grup Feedim Staka Pipol
    Wastaoa—2013 | July 15

    • 8. Hao nao olketa wea kamap Christian long Pentecost showimaot olketa luksavve hu nao Christ iusim for givimaot spiritual kaikai?

      8 Start kam long Pentecost 33 C.E., Christ iusim olketa aposol bilong hem for givim spiritual kaikai long evri nara anointed Christian. (Readim Acts 2:41, 42.) Olketa Jew and olketa wea followim religion bilong olketa Jew wea kamap anointed Christian long Pentecost 33 C.E. luksavve long datwan. Olketa no hol bak for “gohed lane from olketa aposol” and olketa faithful for gohed followim wanem olketa lanem. Olketa hia laekem tumas for kasem spiritual kaikai, and olketa savve olketa aposol savve givim datwan. Olketa barava trustim olketa aposol for helpem olketa minim olketa samting wea Jesus talem and duim, and for helpem olketa minim olketa scripture wea story abaotem Jesus.c—Acts 2:22-36.

  • Wanfala Smol Grup Feedim Staka Pipol
    Wastaoa—2013 | July 15

    • c Paragraf 8: [3] Olketa wea kamap Christian long Pentecost “gohed lane from olketa aposol.” Datwan showimaot olketa aposol gohed teachim olketa nara Christian evritaem. Samfala samting wea olketa aposol teachim hem stap long olketa Christian Greek Scripture.