• Olketa “No Skul Gud”
    “Barava Storyim Gud Kingdom Bilong God”

    • 18. Wanem nao kongregeson long Jerusalem duim for helpem each other?

      18 No longtaem bihaen kongregeson long Jerusalem start, winim 5,000 joinim datfala kongregeson.d Nomata olketa disaepol kam from olketa difren ples and garem difren living, olketa “wan mind” long tingting bilong olketa. (Acts 4:32; 1 Cor. 1:10) Olketa askem Jehovah for blessim olketa, bat olketa duim nara samting tu. Olketa helpem each other for fren witim God and taem need kamap, olketa sharem wanem olketa garem. (1 John 3:16-18) Olsem example, disaepol Joseph wea olketa aposol savve kolem Barnabas, hem salem pis land wea hem ownim and givim selen long olketa aposol. Olketa aposol iusim selen hia for helpem olketa wea kam long Jerusalem for gohed stap mekem olketa savve lanem samfala samting moa abaotem niu biliv bilong olketa.