• Kwestin From Reader
    Wastaoa—2003 | January 1

    • Kwestin From Reader

      Wanem nao Paul minim taem hem sei: “Evritaem iufala kaikaim disfala bred and drinkim disfala kap”?

      Taem hem storyim hao Jesus startim Memorial bilong dae bilong hem, Paul raet: “Evritaem iufala kaikaim disfala bred and drinkim disfala kap, iufala go ahed for talemaot dae bilong Lord, go kasem taem hem kam.” (1 Corinthians 11:25, 26) Samfala tingse disfala toktok “evritaem” showimaot hao dae bilong Christ hem samting for celebratem planti taem. Dastawe olketa celebratem winim wanfala taem long year. Waswe, hem nao samting wea Paul minim?

      Hem samting olsem 2,000 year finis from taem wea Jesus startim Memorial bilong dae bilong hem. So, nomata iumi celebratem Memorial wanfala taem nomoa long year, iumi celebratem planti taem finis start kam long 33 C.E. Nomata olsem, long olketa toktok wea stap raonem 1 Corinthians 11:25, 26, Paul storyim, no haomas taem, bat hao for celebratem Memorial. Long firstfala Greek languis wea hem iusim for raetem diswan, hem no iusim datfala word pol·laʹkis, wea minim “planti taem.” Nomoa, bat hem iusim datfala word ho·saʹkis, wea minim “evritaem,” wanfala toktok wea minim “enitaem,” “evritaem wea.” Paul hem sei: ‘Evritaem wea iufala duim diswan, iufala go ahed for talemaot dae bilong Lord.’a

  • Kwestin From Reader
    Wastaoa—2003 | January 1

    • a Markem diswan witim datfala story long 1 Samuel 1:3, 7. Long there, “evritaem” (long transleison bilong Hebrew languis distaem) hem minim olketa samting wea happen “evri year,” or wanfala taem long year, taem Elkanah and tufala waef bilong hem go long tabernacle long Shiloh.