• ‘Iufala Mas Werem Long-safaring’
    Wastaoa—2001 | November 1

    • “Love Hem Long-Safaring”

      9. Why nao maet Paul talem olketa long Corinth hao “love hem long-safaring”?

      9 Paul showimaot spesol wei wea love and long-safaring join tugeta taem hem sei: “Love hem long-safaring.” (1 Corinthians 13:4) Wanfala savveman bilong Bible, Albert Barnes, sei Paul strongim diswan from wei for raoa wea go ahed insaed Christian kongregeson long Corinth. (1 Corinthians 1:11, 12) Barnes sei: “Datfala word [for long-safaring] wea hem iusim long hia hem difren evribit long fasin for hariap: long strong toktok and tingting, and wei for isi for feel kros. Hem minim wei wea man savve STAND STRONG FOR LONGTAEM taem samting againstim hem, or mekem hem feel kros.” Love and long-safaring barava big part long wei for garem peace insaed Christian kongregeson.

      10. (a) Long wanem wei nao love hem helpem iumi for long-safaring, and wanem kaonsel nao aposol Paul givim long diswan? (b) Wanem nao wanfala man wea studyim Bible sei abaotem long-safaring and kaeness bilong God? (Lukim footnote.)

      10 “Love hem long-safaring and kaen. Love . . . no lukaotem samting bilong hemseleva nomoa, hem no savve kros.” So, long planti wei, love helpem iumi for long-safaring.a (1 Corinthians 13:4, 5) Love mekem iumi fit for patient witim each other and tingim hao iumi evriwan no perfect and garem olketa wik point. Hem helpem iumi for tingim narawan and forgive. Aposol Paul encouragem iumi for wakabaot “witim barava hambol mind and kwaet fasin, witim long-safaring, mas patient witim narawan long love, barava trae for followim wan mind bilong spirit wea joinim evriwan tugeta long peace.”—Ephesians 4:1-3.

  • ‘Iufala Mas Werem Long-safaring’
    Wastaoa—2001 | November 1

    • a Taem hem storyim toktok bilong Paul abaotem wei wea “love hem long-safaring and kaen,” savveman bilong Bible, Gordon D. Fee raet olsem: “Long teaching bilong Paul olketa hia [long-safaring and kaenfala fasin] stand for tufala saed long tingting bilong God for olketa man (cf. Rom. 2:4). Long wansaed, loving wei wea God patient hem showaot long wei wea hem holem bak kros bilong hem for olketa man wea bighed; long narasaed, kaenfala fasin bilong hem showaot long planti wei wea hem showimaot mercy. So, toktok bilong Paul abaotem love hem start witim tufala saed long fasin bilong God, wea thru long Christ hem showimaot wei wea hem hol bak and kaen long olketa wea fit for kasem judgment bilong God.”