Kwestin Box

◼ Hao long nao iumi shud study witim wanfala Bible study wea gohed gud?

Hem gud for gohed study witim wanfala Bible study wea gohed gud go kasem taem hem finisim tufala buk hia, Wanem Nao Really Samting wea Bible Teachim? and Worshipim Datfala Only Tru God. Iumi shud gohed for studyim tufala buk hia witim Bible study nomata hem baptaes finis. Bihaen hem baptaes, iumi savve gohed for reportim haomas hour, haomas taem iumi duim return visit, and haomas taem iumi study witim hem. Sapos wanfala pablisa hem kam joinim study and tekpart, hem savve reportim tu haomas hour long study.

Hem important for olketa niu wan minim gud olketa tru samting wea Bible teachim bifor iumi finis for study witim olketa. Olketa need for “strong” long faith wea olketa garem long Christ, and need for “olsem wanfala tree wea rut bilong hem stap deep insaed long graon” mekem olketa savve winim eni hard samting wea olketa bae feisim. (Col. 2:6, 7; 2 Tim. 3:12; 1 Pet. 5:8, 9) And tu, for teachim olketa narawan for kamap gud, olketa mas “garem stretfala savve abaotem olketa tru teaching.” (1 Tim. 2:4) Taem iumi studyim tufala buk hia witim olketa Bible study bilong iumi, iumi helpem olketa for wakabaot gud long ‘datfala road for kasem laef.’—Matt. 7:14.

Bifor olketa elder appruvim samwan for baptaes, olketa shud mek sure hem minim gud olketa main teaching insaed Bible and live followim olketa teaching hia. Olketa elder shud barava ting raonem gud sapos wanfala Bible study no finis yet for studyim firstfala buk. Sapos samwan hem no redi yet for baptaes, olketa elder bae mek sure samwan bae helpem hem for kamap fit for baptaes.—Lukim Organized to Do Jehovah’s Will, page 217-218.

[Blurb long page 2]

Hem important for olketa niu wan minim gud olketa tru samting wea Bible teachim