Leson 1

Hao for Savvy Long Wanem God Mas Kasem From Iu

Wanem important toktok nao stap insaed long Bible? (1)

Hu nao givim kam Bible? (2)

Why nao iu mas studyim Bible? (3)

1. Bible hem nambawan present from God. Hem olsem wanfala leta wea dadi raetem for olketa pikinini wea hem love-im. Hem talem iumi trufala samting abaotem God​—⁠hu nao hem and wanem nao olketa mark bilong hem. Hem story abaotem hao for deal withim olketa problem and hao for kasem trufala hapi. Bible nomoa talem iumi wanem iumi mas duim for mekem God hapi.​—⁠Psalm 1:​1-3; Isaiah 48:​17, 18.

2. Samting olsem 40 different man nao raetem Bible insaed long 1,600 year, start kam long 1513 B.C.E. Hem garem 66 smallfala buk. God nao muvim olketa wea raetem Bible. Olketa raetem daon tingting bilong hem, no bilong olketa seleva. So God wea stap long heven, no eni man long earth, hem nao Man Wea Givim kam Bible.​—⁠2 Timothy 3:​16, 17; 2 Peter 1:​20, 21.

3. God mek sure olketa copyim Bible stret and keepim gud. Olketa printim planti Bible winim eni otherfala buk. No evriwan bae hapi for lukim iu studyim Bible, but no letem datwan stopem iu. Future bilong iu for olowe hem depend long way wea iu kasem savvy abaotem God and duim will bilong hem nomata pipol againstim iu.​—⁠Matthew 5:​10-12; John 17:⁠3.