Chusim Gud Hu Nao Iu Bae Kaban Witim

Sapos wanfala criminal sekson talem iu hao olketa savve kasem plande selen thru long wei wea man nating need for waka hard, waswe, bae iu go witim olketa? “No go followim olketa. Holem bak leg bilong iu from road bilong olketa. From leg bilong olketa hem ran long nogud fasin, and olketa hariap for kapsaetem blood.” (Prov.1:10-19) Sapos wanfala man hem no worshipim Jehovah, bat hem luk olsem hem naesfala man, waswe, fit for hem kamap fren bilong iu? Shechem hem son bilong wanfala chief bilong Canaan, and Bible sei “hem nao wan wea kasem honor long full haos bilong dadi bilong hem,” bat hem “tekem [Dinah] and leidaon witim hem and spoelem hem.” (Gen. 34:1, 2, 19) Waswe, bae iu letem wei wea nara pipol no bilivim olketa truth wea iu lanem from Word bilong God for affectim iu? “No letem eniwan giamanim iu. Wei for kaban witim nogud pipol hem spoelem gudfala fasin.” (1 Cor. 15:33) Hao nao bae Jehovah feel sapos iu chusim olketa fren wea no lovem hem? Wanfala man wea story for Jehovah hem sei olsem long wanfala king bilong Judah: “From diswan kros bilong Jehovah bae kasem iu.”—2 Chron. 19:1, 2.