Wastaoa ONLINE LIBRARY
Wastaoa
ONLINE LIBRARY
Solomon Islands Pidgin
  • BIBLE
  • OLKETA PABLIKESON
  • OLKETA MEETING
  • km 2/11 p. 2
  • “Lane From Datfala Nambawan Teacher”

Disfala sekson no garem eni video.

Sorre, disfala video no savve plei distaem.

  • “Lane From Datfala Nambawan Teacher”
  • Kingdom Ministry Bilong Iumi—2011
Kingdom Ministry Bilong Iumi—2011
km 2/11 p. 2

“Lane From Datfala Nambawan Teacher”

1. Wanem buk nao bae iumi studyim long Kongregeson Bible Study start long week bilong May 2?

1 Long week bilong May 2, 2011, iumi bae studyim Lane From Datfala Nambawan Teacher buk long Kongregeson Bible Study. Buk hia garem olketa gudfala leson wea kam from olketa teaching bilong Jesus. Olketa teaching hia abaotem wei for kaen, talem thankiu, helpem nara pipol, sharem wanem iumi garem, lovem olketa brata and sista, no tok daonem nara pipol bikos olketa garem difren kala skin or from difren kantri, and plande nara leson wea Jesus teachim.

2. Storyim wanem nao insaed long Teacher buk.

2 Wanfala Samting Long Buk: Piksa savve teachim plande samting. Datfala 256-page Teacher buk, garem winim 230 piksa! Iumi savve lanem staka samting taem iumi lukluk long olketa piksa and ansarem olketa kwestin wea join witim datwan. Datfala buk no storyim nomoa olketa teaching bilong Jesus. Olketa piksa helpem olketa young wan and olketa olo hao for followim wanem olketa lukim. Important information insaed long olketa chapter bae lanem and helpem iumi for gohed strong long faith.

3. Olketa wanem important samting nao bae iumi studyim long Teacher buk?

3 Olketa Important Subject for Storyim: Wei wea Satan attakim pipol bilong God, barava kamap worse taem disfala rabis world gogo for finis. Long 2 Corinthians 2:11 aposol Paul sei: “Iumi savve finis long olketa nogud plan bilong hem.” Teacher buk explainim hao samfala program long TV and olketa movie wea join witim spiritism savve spoelem iumi. Hem storyim tu olketa main teaching long Bible. Olsem example, hem storyim why gogo iumi olo and dae, wanem nao happen long man taem hem dae, and wanem nao soul. Hem storyim klia tu datfala ransom. Buk hia teachim iumi abaotem resurrection and why 144,000 nomoa bae laef bak long heven. Iumi bae lanem tu wanem Jehovah duim for protectim olketa wea young and wea no savve protectim olketa seleva. Olsem example, long Chapter 32, hem garem title “Hao Jesus Kasem Protection.” Hem storyim hao Jehovah duim samting for protectim Jesus, taem pipol wea Satan iusim trae for killim hem dae. Then datfala chapter explainim hao olketa pikinini savve lanem hao for protectim olketa seleva from pipol wea laek spoelem olketa saed long sex. Buk hia mekhae long Kingdom bilong God, hem explainim wanem nao datfala Kingdom, and hem helpem olketa wea followim Jesus, olketa young wan tu, for talem pipol wanem olketa savve abaotem datfala Kingdom. Hem no isi for duim olsem long disfala rabis world wea againstim iumi. So wanfala chapter storyim hao iumi savve winim wei for fraet, wea aposol Peter lane for duim.—Luke 22:32.

4. Wanem nao iumi savve duim for kasem gudfala samting taem iumi studyim disfala buk?

4 For iumi barava kasem gud samting, iumi shud studyim gud firstaem datfala chapter, and redi for givim ansa long Kongregeson Bible Study. Kam long evri meeting, and ting raonem hao iu savve followim wanem iu lanem from hao Jesus hem teach, insaed long famili bilong iu and taem iu deal witim olketa narawan. Taem iumi studyim disfala buk, diswan bae helpem iumi for lane from example bilong Jesus and for changem laef bilong iumi for followim wanem Jehovah laekem!—Matthew 11:29, 30.

    Solomon Islands Pidgin Pablikeson (1988-2024)
    Log Aot
    Log In
    • Solomon Islands Pidgin
    • Sharem
    • Settings
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Setting
    • JW.ORG
    • Log In
    Sharem