Wastaoa ONLINE LIBRARY
Wastaoa
ONLINE LIBRARY
Solomon Islands Pidgin
  • BIBLE
  • OLKETA PABLIKESON
  • OLKETA MEETING
  • km 5/11 pp. 3-4
  • Niu Article for Startim Bible Study

Disfala sekson no garem eni video.

Sorre, disfala video no savve plei distaem.

  • Niu Article for Startim Bible Study
  • Kingdom Ministry Bilong Iumi—2011
Kingdom Ministry Bilong Iumi—2011
km 5/11 pp. 3-4

Niu Article for Startim Bible Study

1. Wanem nao niu article wea kamap long pablik Wastaoa, and wanem nao goal bilong hem?

1 Start long April-June Wastaoa long disfala year, wanfala niu article kamap long pablik magasin for helpem iumi startim olketa Bible study. Hem garem title, “Lanem Wanem Bible Talem.” Samfala wea kasem Wastaoa bae laek for readim datfala article, bat goal bilong disfala article hem for iumi storyim witim haosholder.

2. Wanem nao bae datfala niu article storyim?

2 Wanem Article Bae Storyim: Title and olketa subheding long article hem olketa kwestin wea iumi savve askem long haosholder. Olketa markem olketa scripture wea man savve readim from Bible bilong hem. Olketa paragraf hem short so iumi savve storyim taem iumi meetim haosholder. Evri article bae storyim Wanem Bible Teachim buk for helpem iu startim study long datfala buk.

3. Taem iumi preach long haos tu haos, hao nao iumi savve iusim article hia for startim Bible study?

3 Hao for Iusim: Taem iu offerim olketa magasin, iu savve askem wanfala kwestin wea article storyim wea man interest long hem. Olsem example, April-June Wastaoa story abaotem gud samting wea man savve kasem from Bible. Iu savve sei: “Wanem nao tingting bilong iu? Waswe, Bible hem Word bilong God or hem wanfala gud buk nomoa? [Weit for hem ansa.] Mi garem wanfala interesting samting for readim abaotem datfala subject.” Showim firstfala kwestin, readim firstfala paragraf, and readim scripture wea stap long paragraf from Bible bilong iu. Readim kwestin moa, and askem haosholder wanem nao tingting bilong hem. Storyim information from article wea fitim datfala haosholder, and iusim olketa kwestin for story tugeta. Bifor iu finisim story, talem nextfala kwestin and markem taem for go bak and storyim tugeta. Go bak each week and storyim nara kwestin long datfala article go kasem taem iu garem niu magasin. Nara idea hem for askem haosholder sapos hem laek for studyim Bible. Then iusim article long magsin for showim hao for duim Bible study.

4. Hao nao iumi savve iusim disfala niu article taem iumi duim olketa return visit?

4 Iu savve iusim disfala niu article taem iu duim olketa return visit tu. Iu savve sei: “Niu article hem stap long Wastaoa distaem. Mi laek showim iu hao for iusim.” Mifala prea disfala niu article bae helpem staka pipol for “garem stretfala savve abaotem olketa tru teaching.”—1 Tim. 2:4.

    Solomon Islands Pidgin Pablikeson (1988-2024)
    Log Aot
    Log In
    • Solomon Islands Pidgin
    • Sharem
    • Settings
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Setting
    • JW.ORG
    • Log In
    Sharem