Iumi Garem Privilege for Wakem and Lukaftarem Ples for Worship

Taem olketa Israelite wakem temple olketa mas barava waka hard and givim staka samting for sapotim datfala waka. Nomata olsem, olketa barava laek for duim datwan. (1Ch 29:2-9; 2Ch 6:7, 8) Bihaen olketa wakem finis datfala temple, wei wea olketa gohed for lukaftarem datfala temple showimaot sapos olketa tinghae long olketa spiritual samting or nomoa. (2Ki 22:3-6; 2Ch 28:24; 29:3) Distaem, olketa Christian iusim staka taem and barava waka hard for buildim, klinim, and repairim olketa Kingdom Hall and Assembly Hall. Hem bigfala privilege for iumi duim datfala waka for Jehovah, and tu, datwan hem part long worship bilong iumi.—Ps 127:1; Re 7:15.

IUMI SAVVE HELP LONG WEI FOR . . .

• 

  Mek sure bihaen long olketa meeting olketa samting long Kingdom Hall hem luk stret. Sapos iu no fit for duim staka samting, mek sure bifor iu go, ples wea iu sidaon mas no olobaot.

• 

  Kam help long taem for klinim and repairim Kingdom Hall. Taem staka waka tugeta datwan bae mekem evriwan hapi and waka bae finis kwiktaem. —lv 92-93 par. 18.

• 

  Givim donation. Nomata iumi givim lelebet selen nomoa and iumi duim datwan bikos iumi lovem Jehovah, datwan bae mekem Jehovah hapi.—Mr 12:41-44.

• 

  Volunteer for buildim and fixim olketa Kingdom Hall, Assembly Hall, or branch office, sapos iumi fit for duim datwan. Iu no need for savve hao for duim construction waka bifor iu savve volunteer.