LAEF BILONG CHRISTIAN

Lukaftarem Olketa Kingdom Hall Bilong Iumi

Samfala samting olketa duim for help lukaftarem Kingdom Hall: painting, putim carpet, putim electric switch long wall, and givim contribution

Kingdom Hall hem no wanfala building nomoa, bat hem ples bilong iumi for worship wea iumi dedicatem long Jehovah. Hao nao each wan long iumi savve lukaftarem Kingdom Hall? Lukluk long video Lukaftarem Olketa Kingdom Hall Bilong Iumi and then story witim kongregeson abaotem olketa kwestin hia:

Iumi iusim olketa Kingdom Hall for wanem?
Why nao hem important for keepim Kingdom Hall klin and for lukaftarem gud?
Hu nao organizem maintenance waka long Kingdom Hall?
Why nao hem important for tingim safety, and olketa wanem example nao iu lukim insaed video?
Hao nao olketa donation wea iumi givim showimaot iumi tinghae long Jehovah?

WANEM NAO MI PLAN FOR DUIM FOR HELP LUKAFTAREM KINGDOM HALL?