Start long September, Christian Laef and Ministry Meeting Buk bae garem wanfala niu idea long hao for story wea garem title “Teachim Truth Long Pipol.” Main goal bilong iumi hem for storyim truth insaed Bible, taem iumi askem wanfala kwestin and readim wanfala scripture.

Sapos iumi luksavve haosholder hem interest, iumi savve givim hem wanfala pablikeson, or showim hem wanfala video long jw.org. Iumi shud go bak long hem bihaen tu-thri day for story moa. Olketa idea for story hia and olketa assignment bilong olketa student kam from olketa main point wea stap long end bilong each chapter long datfala buk What Can the Bible Teach Us? (Disfala buk hem no stap yet long Solomon Islands Pidgin.) Samfala information moa and olketa scripture hem insaed long Wanem Bible Teachim buk wea iumi savve iusim for duim return visit or conductim Bible study wea iumi iusim Bible nomoa.

Wanfala road nomoa iumi savve followim for kasem laef olowe. (Mt 7:13, 14) From iumi savve preach long pipol wea garem olketa difren religion and laef bilong olketa no semsem, iumi mas storyim truth insaed Bible long wei wea bae mekem olketa interest. (1Ti 2:4) Taem iumi start for savve gud long samfala difren Bible subject and kamap gud long wei for “iusim long stretfala wei datfala toktok bilong God wea tru,” bae iumi barava hapi, and kasem gud samting taem iumi teachim truth long nara pipol.—2Ti 2:15.

Pipol evriwea long earth needim comfort. (Ec 4:1) Long month bilong September, bae iumi duim best bilong iumi for offerim Wastaoa magasin wea storyim subject abaotem comfort. Trae for givimaot disfala magasin long staka pipol. From iumi laek for story long pipol for comfortim olketa, iumi bae no leavim eni magasin long haos wea no eniwan stap.

WANEM FOR TALEM

“Iumi evriwan needim comfort samfala taem. Bat wea nao iumi savve kasem comfort? [Readim 2 Corinth 1:3, 4.] Disfala Wastaoa magasin storyim wei wea God savve comfortim iumi.”

Sapos haosholder hem interest and tekem magasin, . . .

SHOWIM VIDEO WHY NAO HEM GUD FOR STUDYIM BIBLE?

Then iu savve askem hem sapos hem laek for study.

ASKEM KWESTIN MEKEM IU SAVVE DUIM RETURN VISIT

Olsem example, iu savve askem kaen kwestin olsem, “Why nao God letem iumi for safa?”