GUD SAMTING FROM BIBLE | LUKE 8-9
Wanem Nao Iu Mas Duim for Followim Jesus?
For man houm stretfala row, hem mas no lukluk bihaen long hem. Diswan hem semsem tu witim wanfala Christian. Hem mas no tingim bak olketa samting wea hem lusim finis.—Php 3:13.
Taem iumi feisim olketa hard taem, hem isi for iumi ting go bak and sei laef hem gud tumas taem iumi no kam yet insaed truth. Iumi mekem hem olsem long datfala taem iumi hapi tumas and olketa problem bilong iumi nating big nomoa. Hem nao wanem olketa Israelite tingim bihaen olketa kamap free from Egypt. (Nambas 11:5, 6) Sapos iumi gohed garem tingting olsem, iumi bae laek for go bak long laef iumi garem bifor. Hem gud for iumi tingim olketa blessing wea iumi kasem distaem and for tingim hao iumi bae barava hapi taem Kingdom hem rul!—2Co 4:16-18.