Kamap Gud Long Ministry​—Savve Hao for Iusim JW.ORG

WHY HEM IMPORTANT: Evri pablikeson long Teaching Toolbox hem storyim jw.org. Disfala jw.org card and tract Wea Nao Iumi Savve Faendem Ansa for Olketa Important Kwestin Long Laef? storyim website bilong iumi. Iumi savve iusim jw.org for sendem e-mail or sharem link long narawan for givim pablikeson wea stap long Teaching Toolbox. Hem barava gud for duim diswan taem iumi preach long man wea iusim difren languis. And tu, maet pipol askem kwestin wea ansa bilong hem no stap long olketa pablikeson long Teaching Toolbox. Sapos iumi savve gud hao for iusim website, bae iumi barava duim gud ministry bilong iumi.

HAO FOR DUIM:

• 

  Iusim “WANEM BIBLE TEACHIM” tab. Sapos iu preach long parents wea laek savve long samfala samting abaotem hao for trainim pikinini, go long WANEM BIBLE TEACHIM > MARIT & FAMILI.

• Iusim “OLKETA PABLIKESON” tab. Sapos iu duim enitaem witnessing long skul and iu laek for story witim classmate bilong iu long brochure 10-fala Kwestin wea Young Pipol Savve Garem, go long OLKETA PABLIKESON > OLKETA BUK & BROCHURE.

• Iusim “ABAOTEM MIFALA” tab. Sapos iu preach long samwan iu waka witim wea laek for savve long wanem iumi bilivim, go long ABAOTEM MIFALA > OLKETA KWESTIN WEA STAKA PIPOL ASKEM.

LUKIM VIDEO SAVVE HAO FOR IUSIM JW.ORG, AND TINGIM WANEM BAE IU SHOWIM LONG WEBSITE FOR HELPEM:

• man wea sei iumi changem Bible for fitim biliv bilong iumi

• samwan wea kasem barava nogud samting

• brata or sista wea inactive

• return visit wea laek savve wea nao iumi kasem selen for waka bilong iumi

• man from nara kantri wea laek savve long Kingdom Hall wea stap klosap long ples bilong hem