GUD SAMTING FROM BIBLE | GALATIA 4-6
Story Abaotem Hagar and Sarah Garem “Nara Mining Moa”
Aposol Paul story abaotem Hagar and Sarah for explainim niu agreement hem winim Law bilong Moses. Taem Christ and olketa anointed rulim iumi, bae iumi kamap perfect and free from sin, dae, and sorre.—Aesaea 25:8, 9.
HAGAR—SLAVE GELE Olketa Israelite wea followim Law bilong Moses, wea main taon bilong olketa nao Jerusalem |
SARAH—WOMAN WEA FREE Jerusalem antap, wea hem organization bilong God long heven |
“OLKETA PIKININI” BILONG HAGAR Olketa Jew (wea promis for obeyim Law bilong Moses) persecutim and no acceptim Jesus |
“OLKETA PIKININI” BILONG SARAH Christ and 144,000 anointed Christian |
SLAVE LONG LAW BILONG MOSES Datfala Law mekem olketa Israelite luksavve olketa slave long sin |
NIU AGREEMENT MEKEM PIPOL FREE Olketa Israelite no barava obeyim Law bilong Moses, and datwan showimaot olketa sin. Bat sakrifaes bilong Christ mekem olketa savve kamap free from sin |