Hao for Kasem Gud Samting Taem Iu Study Seleva

WHY HEM IMPORTANT: Taem iumiseleva studyim Bible, datwan bae helpem iumi for “barava minim wanem nao waed, long, hae, and deep” bilong truth. (Eph 3:18) Study bae helpem iumi for “hol strong long toktok bilong laef” and nomata iumi stap long nogud world, hem bae helpem iumi for no duim eni nogud samting. (Php 2:15, 16) Taem iumi studyim Bible iumi savve studyim samting wea bae helpem iumi wanwan. Wanem nao samfala samting iumi savve duim for helpem iumi kasem gud samting taem iumi studyim Bible?

WANEM FOR DUIM:

• Markem olketa verse and raetem olketa note long Bible bilong iu or long Bible wea iu iusim long tablet

• Taem iu readim Bible tingim olketa kwestin olsem, ‘Hu, Wanem nao, Wanem taem? Wea? Why? Hao?’

• Faendemaot information. Iusim olketa tul bilong iumi for duim research. Chusim subject or Bible verse for research

• Ting raonem wanem iu readim for luksavve hao diswan hem fitim iu

• Followim wanem iu lanem long laef bilong iu.—Lu 6:47, 48

LUKIM VIDEO “HOL STRONG”—THRU LONG GUDFALA WEI FOR DUIM STUDY SELEVA, THEN ANSAREM OLKETA KWESTIN HIA:

• Wanem nao samfala brata and sista talem abaotem wei for duim study seleva?

• Why nao iumi shud prea bifor iumi duim study seleva?

• Wanem nao savve helpem iumi for minim gud samting iumi readim long Bible?

• Wanem nao samfala wei for markem olketa point long Bible?

• Why nao hem important for ting raonem olketa samting iumi readim long Bible?

• Wanem nao iumi shud duim bihaen iumi lanem samting?