Earth “Swallowim Datfala River”

Lo bifor, samfala bigman blo gavman helpem pipol blo Jehovah. (Esra 6:1-12; Esta 8:10-13) Nomata distaem tu, iumi lukim hao “earth” (wea minim samfala grup or pipol wea garem paoa and wea laek duim stret samting) swallowim or finisim “datfala river” blo persecution wea Satan, “datfala big snek,” hem bihaenem. (Re 12:16) Samfala taem Jehovah, wea hem God for “sevem olketa pipol” iusim olketa man wea rul for helpem pipol blo hem.—Sams 68:20; Provebs 21:1.

Bat waswe, Jehovah tingim iu sapos iu lo prison from iu faithful lo hem? Iu savve sure Jehovah laek for helpem iu. (Jenesis 39:21-23; Sams 105:17-20) Jehovah bae rewardim iu from iu faithful lo hem, and tu, example blo iu savve encouragem olketa brata and sista evriwea lo world.—Php 1:12-14; Re 2:10.

LUKIM VIDEO OLKETA BRATA LO KOREA KAMAP FREE FROM PRISON, THEN ANSAREM OLKETA KWESTIN HIA:

• For staka year finis, why nao staka thousand brata lo South Korea stap lo prison?

• Wanem nao samfala kot disaedem wea mekem samfala brata lo Korea kamaot from prison bifor lo taem wea kot markem?

• Wanem nao iumi savve duim for helpem olketa brata wea stap lo prison from olketa faithful lo Jehovah?

• Wanem nao iumi shud laek for duim taem gavman no tambuim waka blo iumi?

• Taem iumi winim eni kot case, hu nao fit for kasem praise?