Preach Abaotem Kingdom​—Talemaot Gud Nius Evriwea lo World

WANFALA day wea iu no waka, iu redi for go lo ministry. Bat from iu taed, iu tu-ting lelebet. Iu laek for stap and rest nomoa! Bat bihaen iu prea iu disaed for go. Iu partner witim wanfala olo sista wea faithful, and iu tinghae lo wei blo hem for no givap and for kaen. Taem iu gohed for preach, iu ting raonem iu duim sem waka wea olketa brata and sista duim evriwea lo world, and iufala evriwan iusim sem pablikeson, and kasem sem training. Taem iu kasem bak haos iu feel strong moa. Iu barava hapi bikos iu go aot lo ministry!

Distaem, waka for preach hem main waka blo datfala Kingdom blo God. Jesus talem finis, preaching waka bae barava kamap big lo olketa last day. (Matt. 24:14) Hao nao toktok blo Jesus hem kamap tru? Lo disfala sekson, bae iumi storyim pipol wea preach, hao olketa duim, and olketa tul wea olketa iusim for helpem staka million pipol evriwea lo world for bilivim Kingdom blo God hem real.