Chusim Gud Olketa Frens blo Iu

Samting wea kasem olketa Israelite lo plain blo Moab hem wanfala warning example for olketa Christian. (1Co 10:6, 8, 11) From samfala Israelite associate witim olketa woman blo Moab wea wei blo olketa hem nogud tumas and wea worshipim olketa idol, gogo olketa woman hia switim olketa for durong. Diswan mekem bigfala trabol hem kamap. (Nambas 25:9) Iumi stap midolwan pipol wea no worshipim Jehovah, olsem olketa waka mate, skul mate, neiba, and olketa relative. Wat nao iumi savve lanem from disfala story lo Bible abaotem olketa danger lo wei for associate witim olketa pipol olsem?

WATCHIM VIDEO OLKETA WARNING EXAMPLE FOR IUMI DISTAEM​—LELEBET PART LO VIDEO, AND THEN ANSAREM OLKETA KWESTIN HIA:

• 

  Wanem kaen rong tingting nao Zimri and olketa narawan talem lo Jamin?

• 

  Hao nao Phinehas helpem Jamin for garem stret tingting abaotem datfala situation?

• Why nao wei for fren witim samwan wea no worshipim Jehovah hem difren from wei for just kaen lo hem?

• Why nao iumi mas careful taem iumi chusim olketa klos fren nomata insaed lo kongregeson?

• Why nao iumi shud stap klia from olketa chat grup lo social media wea pipol insaed iumi no savve gud lo olketa?